No Ithui Twari Kuo

Kikuyu· 2 views
[Verse 1]
Íthui no íthui twari kuo Na no ithui aya
Twehitiirwo ni andu othe nginya mbuuro
Tukiohomwo, tugithamio na no ithui aya
Twombaniirwo ni andu othe nginya ngati
Twatuitwo rukungu ni Nyakeru, Gikuyu
Ngai akiuria mbura tukihanda

[Verse 2]
Andu aitu mutikorwo ni hinya
Kindu kioma ni uthingu wa mwiri
Na wendo wa Ngai urume nyambo
Hinya witu umaga kuri Ngai
Aria atongoretie matingiura Gikuyu 
Ni ithui twari kuo na no ithui aya

[Verse 3]
Kurathimwo ni Nyumba ya Mumbi
Hindi iria twanyarirwo ni andu a thí
Ni guo Ngai atwongagirira muno
Andu aitu ciana ici tuciarite
Tondu ng'ombe na mburi gutituire Gíkúyú 
Mbeu njithi yonererio kuara

[Verse 4]
Indo iria nyiingi ihuthagirwo Kenya,
Ngwenda mumenye ni inyui mwihokweirwo
Tiiri witu mutikarekererie
Ni kwari murimi na murií
Kiugo kia Gíkúyú ni mugambo wa Ngai
Kahii kai wariganiire iganjo?

[Verse 5]
Mbaara ici murona ikuruo
Aingi matiaruire túkírúa
Na angi matiri bata na tiiri
Gíkúyú mwimenyerere maangú
Twaingatire nyakeru na rurimi
Tukiuga; marothuurwo ni tiiri wa Kenya

[Verse 6]
Ngai wiitu ari o Kirinyaga thúmbí
Ni erire Gíkúyú na mugambo
Kúuria gwothe maitho maaku marona,
Ni ndakuhe hamwe na njiarwa ciaku;
Itwamba noru na ngamba noru
Gíkúyú, gutiri mundu
Ugakuruta kúo (Iíní!)

[Verse 7]
Nyumba iitu ndimuririkanie,
Kirumi gia Kenyatta kiri ruoya;
Mundu uria ukamunya itoka cia Kenya,
Kana ecirie kwendia tiiri uyu mbeca,
Agakahuka matu na maniuru,
Na Ngai ni akamwikira ndaimomo kiongo

[Verse 8]
Anabií ni aingi Gíkúyú-ini
Marahurania ngoro cia muingi,
Mwacokania ndundu mwirane atia?
Mugutwira atia tutari twerwo?
Na Mugo Wa Kibirú ni akuire kihuki
Rekei tweterere itua ria Ngai
No annotations yet. Highlight a line to add the first one.
Onslaught WaweshAdded lyrics
No Ithui Twari Kuo

CONTRIBUTORS

Discussion
